جینۆساید کورد و ئیکۆسایدی ژینگەکەی ڕابووردووی سەختی ئەم کوردستانە، شایەتی قوربانی و پێناوی زۆرە، نەك هەر بە ڕوحی قوربانیان بەڵکو بە سروشتەکەشیەوە، کەم کەس لە ئێمە بنمیچی نەڕوخاوە وکەم کەس عەوداڵی خۆڵ ولمی عەرعەر نەبووە بۆ دۆزینەوەی نیشانەیەکی ڕوحە زیندەچاڵکراوەکانی، کەم کەس باروبارخانەی بەکۆڵەوە بەرەو سنوورەکان نەبردووە بۆ خۆپاراستن لە هێرشی ڕژێمە فاشی و دڕندەکان، یادەوەریەکان بۆ زۆربەی قوربانیانیانی ئەو بارودۆخە ئەوەندە سەختە کە داهاتووشی بە ڕابووردووەوە تێهەڵکێش کردووە، لەوەش سەختتر، مانەوەی ئەو قوربانیانەیە لەو چوارچێوە ئەو وێرانیەی کە ئەوەندەی ڕابووردووی بەسەردا دەسەپێنێ، ئەوەندە نابێتە بنەمای دەستپێکردنەوەیەکی دروست بۆ ژیانێکی دروست. دیارە لەماوەی چارەکەی سەدەی ڕابووردوو، و پاش قوربانیدانی زیاتر لە سەدوهەشتاودوو هەزار ڕوحی بێ تاوان و ئاوارەبوون و شەهیدبوونی پێشمەرگە و تێکچوونی دیموگرافی و شیرازەی ناوچەکە وڕاماڵینی گوند وسەرلێشێواوی وهەڵاتن و هەوڵدان بۆ دامرکاندنەوەی شۆڕشی ڕزگاریخوازی کورد، هێشتا نەخشەی ئەو بنەما زانستیەی کە پێویستە بۆ سەرلەنوێ ژیانەوەیان نەکێشراوە و پڕ بەپێستی ئەو کارەساتە نیە، بۆیە ئازاری برینی ئەنفال وهەڵەبجە زیاتر کەوتە سەرئەستۆی کەسانی دەرەوەی فەرمانڕەوایی بۆ بە جینۆساید ناساندنی ئەم تاوانەی بەرامبەر گەلی کورد کرا. جگە لە جینۆسایدی گەلی کورد لە هەموو گۆشەیەکی ئەم نیشتیمانە بریندارەدا، ژینگەکەشی ئیکۆساید کرا، ڕەز وباخ وکانی بیستان وکێڵگە و پەلەوەر وباڵندە وڕوبار و سەراپا سەرچاوەکانی ئاوی ژەهراوی وپیس کراو زیانی بە سەرجەم سامانی کشتوکاڵی و بژێوی هاوڵاتیان دا، بۆیە ئێمە لە ڕۆژی ژینگەی کوردستاندا، جەخت لەسەر کارکردن بۆ ژینگەیەکی تەندروست وپاك دەکەین، جەخت لەسەر دەستپێکێکی دلسۆزانە دەکەین چ بۆ قوربانیانی پاش ئەو کارەساتە وچ بۆ ژیانەوەی ژینگەی جوانی کوردستانی گەورە، دنەدان و هەوڵدان بۆ هێنانەوە سەرخۆی باری سایکۆلۆژی ئەو ڕوحە بەجێماووانە وئەو خاك و ئاو و سروشتە، ئەرکێکە لەسەر لیستی پێشەوەی کارەکانی حکومەت و هەست بەلێپرسینەوەی تاکی کوردیش لەهەر گۆشەیەکدا بێت.

مقالات

Default Image

المستقبل للدول غير المتقاعسة مناخياً

المصادقة على اتفاقية باريس حول تغيّر المناخ تؤشّر إلى عصر جديد، تحكمه قواعد مختلفة عما كان سائداً من قبل. قبل مؤتمر باريس العام الماضي، كان البعض يراهن على أن الاتفاق لن يحصل، والنتيجة كانت توقيع مئتي دولة، بما فيها الملوثان الأكبران الولايات المتحدة والصين.…

دستور اقليم كردستان باللغة الكردية

الإعلان العالمي لحقوق الإنسان

دستور اقليم كردستان باللغة العربية

Go to top