ژینگەهـ

تقييم المستخدم: 5 / 5

تفعيل النجومتفعيل النجومتفعيل النجومتفعيل النجومتفعيل النجوم
چین و توێژێن  جڤاکی و شیانێن گوهۆڕینێ:
279151537 521132212750385 9059382381338239002 n
دیمەن معاوی:




شێوازێ ژیانێ، مرۆڤان دابەشی ل سەر هەژمارەکا چین و توێژان دکەت کو ئەو ژی ل سەر جڤاکی بەلاڤ دبن و هەر چینەک و توێژەک، ب شێوەیەکێ، باندۆر و کارتێکرنا خۆ ل سەر ڕەوتا بەرەڤ پێشبرنا ژیانێ و پەیرەوکرنا ئەوێ هەیە، کو ئەڤ پڕۆسێسە ژی دبیتە ئەگەرێ ئەوێ چەندێ، گەلەک جیاوازی و جوداهی دناڤبەرا ئەڤان مرۆڤاندا ژ بیاڤێن ئابووری، هزری، سیاسی و کلتوری و... هتدڤە دروست ببن. هەلبەت ئەڤ  چین و توێژێن  جڤاکی ژی، ب ئەڤی شێوەیی بەردەوامییێ ددەنە ڕەوتا ژیانێ و هەروەسا ژی، ئەوێ ئالۆز و دژار دکەن؛ ژ بەر ئەوان جوداهییان یێن کو ل دەڤ هەر کۆمەکێ ژ ئەوانا هەنە، ئالۆزی و تەڤلهەڤی دروست دبن. ئەگەر ئەم پیچەک هویرتر بچینە دناڤا مژارا خۆ دا، دێ بێژین کو تاکێن جڤاکی د ناڤا کۆمەڵگەهێدا، ل سەر چین و توێژان  دهێنە پاڕڤەکرن،  وەکو چینا دەستهەڵاتدار، چینا هەژار، چینا دەولەمەند، چینا ژێردەست، چینا دەرەبەگ و چینا فەرمانبەرا ن. جار ژی ئەڤ  چینە  دابەش دبن ل سەر دەستهەڵاتێ، بۆ میناک چینا فەرانبەران، کو پێگەهێ ئەوێ وەکو کارکرن د ناڤا جڤاکیدا یێ بەرز و بلندە و پرۆژە و دویڤچوونێن مەزن یێن بەرهەمهینانێ ئەوێ چەندێ د سەلمینن: چینا فەرمانبەران ژ ئالییێ هزریڤە، کاریگەرییەکا وەرچەرخانی و هەستیارانە ل سەر کۆمەلگەهێ نینە و ئەو خودان سامانەکێ مەزن ژی نینن. د پروسێسا خەباتا فەرمانبەراندا،  ئەو وەکو ئەوی لایەنی نینن یێن کو ئایدیۆلۆژی و سیستەمێ کۆمەلگەهێ دیار بکەن، هەروەسا ژی ئەوان ماف نینە بڕیارێن هەستیار دەربارەیی هەر سیستەمەکێ دا، بدەن. فەرمانبەر ئەو چینەیە یا کو مێژوویێ د دەمەکێدا، ب ڕەوشەنبیر قەلەمددان، لێ ڕەوشەنبیرێ سەردەم ئەوە، یێ هەلگرێ هزر و مەعریفێ بیت و جیاوازییا پەروەردەیی و سالوخەت و سەرەدەریکرنا بڕیاردانێ، ل دەڤ ئەوی هەبیت. هەروەسا توێژ ژی ئەو هێزا هزری نینە هەر زانستەکێ بهێتە پێش، ب مەعریفە پێناسا ئەوێ بکەن کو ل قوولکرنا پرسان و گومانان ناگەڕن تاکو بشێن عەقلێ جڤاکی ژ هندەک وەهمان رزگار بکەن؛ چونکە توێژ ژی لسەر چینێن جڤاکی بەلاڤدبن ، ئەڤ چینە ژی ب پڕانی ژێر دەستن، لەوڕا د ئەوی واریدا جڤاک گەلەک گوهۆڕینێن جەوهەری دروست ناکەت، تەنها وەکو ئالاڤ و ئامیرێن سەردەم گۆهۆڕینان د ناڤا خۆدا دکەت؛ لێ ژ ئالییێ هزریڤە و ب مفا وەرگرتنا ژ مۆدێرنیزمێ، هیچ پێنگاڤەکا پێدڤی نە هاڤێتیە. فەرە توێژ و چینێن جڤاکی هوشیاریەکێ چێبکەن ژ بۆ مفا وەرگرتنا ژ هەر چەمکەکێ، ب تایبەتی ژی توێژا گەنج و لاوان، کو کارتێکرنەکا ئەرێنی و نەرێنی ل سەر کۆمەڵگەهێ هەیە. ئەگەر ئەڤ توێژا هەستیار و ب باندۆر کار و خەباتێ ژ بۆ پێشکەڤتن و پێشڤەچوونێ بکەت، دێ شێت گوهۆڕینان ل دەڤ چینێن دیترێن جڤاکی ژی پەیدا بکەت.

تقييم المستخدم: 2 / 5

تفعيل النجومتفعيل النجومتعطيل النجومتعطيل النجومتعطيل النجوم
د ڕۆژا جیهانی یا عەردی دا، ژینگەها مە ژ لایێ تورکیاڤە دهێتە تێکدان
196478409 4140737736047840 2619748473427393932 n
سەردار هێتوتی
ب مەرەما پشتەڤانیێ و پاراستنا عەردی و ژینگەهێ ڕۆژەک هاتیەدانان ژ بال نەتەوێن ئێکبوویڤە، وان ژڤانە کو ب ئەڤان جورە چاڵاکیان عەردی بپارێزن، لێ دیارە کو نەگەهشتنە مەرەمێن خۆ و ب ڤی دەستوداری ژی قەت ناگەهنێ. ئەڤ جیهان یا د دەستێ چەند دەوڵەتەکێن مەزن یێن بەرژەوندخاز دا کو ب ناڤێ پیشەسازیێ دەست دانایە سەر هەمی ئالیێن ژیانێ. د ئەڤرۆ دا ژینگەهـ ب گشتێ توشی ئالوزیێن مەزن بوویە وەکی پیسکرنا زەریایا و دەریایا و ژ ناڤبرنا دارستانان و نەهێلانا عەردێن چاندنیێ و زێدەبوونا نایلونی و کونگرێتی و کێمبوونا دارێ ل باژێران کو ڤان هەمی کریارێن مرۆڤان باندوورا خراب لسەر عەردی بجهـ هێلاینە و دڤێت بلەز مرۆڤ و مرۆڤاهی ل خۆ بزڤریت خەمێ ژ سرۆشت و ژینگەها خۆ بخون. لێ د ڤێ رۆژێ دا، دیارە کو ب گرانی ئەڤرۆ باشوورێ کوردستانێ ژ لایێ دەوڵەتا ترکانڤە دهێتە توپبارانکرن و چیایێ لینکی و گوپیتکا کورەژاری کەفتینە بەر هێرشێن داگیرکاریێ و ب چەکێن گران و کیمیایی وەڵات و ژینگەهـ ژ ناڤ دچن. تورکیا ب داگیرکاریا خۆ دخازیت ژینگەها کوردستانێ ژ ناڤ ببەت و چاند و کلتوور و دیرۆکا مە تەرابەرا بکەت و ئابوورا مە بگەهینتە خالا چنەیێ، لەوا ژ بلی پەیامێن سیاسی و ئەمنی دڤێت ژینگەهپارێز ژی خۆدان پەیامێن ژینگەهی بن و بزاڤا بکەن کو ڕاستیا پیسکرنا ژینگەهێ بکەنە بابەتێ ڕۆژەڤا ڕۆژێ.

تقييم المستخدم: 5 / 5

تفعيل النجومتفعيل النجومتفعيل النجومتفعيل النجومتفعيل النجوم
شارستانیەتا ژینگەهیی
 
6c878c2b6e17be9f8f1ee7dbff07f538
 
 
دیمەن معاوی

 

گەلەک ئایدیا هزر و دیتن دبێژن ژینگەهـ واتـا ڕۆح ئانکو ژیان .ژینگەهـ نەبتنێ دارچاندن و دارستانە ، بەلکو زور جاران کەڤرەک ، شکەفتەک ،زیرکەک ، کانی کەکا ئاڤێ ، گیان دار ب گشتی، ئەڤەهەمی واتەیا ژینگەهێ تەمام دکەن،ب شێوەیەکێ گشتی د هەمی ژینگەهان دا و ب تایبەتی باشوڕێ کوڕدســتانێ مروڤایەتی پێدڤی ب دارچاندنێ و پاڕاستنا دارستان و جهێت شوینەواڕی هەیە، بتایبەتی ئەم وەلاتەکین کو فەرە ڕۆشەنبیریا ژینگەهـ پارێزیێ ببیتە نەریت و ژ قوتابخانە و ناڤەندێن تەندروستی گرنگیا ژینگەهـ و پاراستنا وێ بهێتە بەرچاڤکرن و ژینگەها مە پاکژترە ژ ژینگەها ولاتێن پیشەسازی و فەرە حکومەتا هەرێمێ ل داهاتوو دا لایەنگری بو سەرچاوەیێن وزێ یێن سروشتی هەبیت و کێمتر سوتەمەنی بهێتە بکارئینان د پیشەسازیێ دا دا کو ستانداردێن ژینگەهـ پارێزیێ بهێنە چەسپاندن. کەسێن دتێگەهێ ژینگەهی دگەهن بڤی ئاوای بەحس ل ژینگەهـێ دکەن و دبێژن: ژینگەھ ئەو پارچا ئەردی یان بەرفەهەتر بێژین گۆیا ئەردی ب ئاخ و ئاڤ هەوایێ خو ڤە دەبیتە ژینگەھ بو هەمی بونەوەرەکی چ مڕوڤ یان گیانەوەر، یان هەڕتشتەکێ د هەبونێ دا ، کو هەمی ئەوێن مە باس لێ کری پێدڤێن مانا خو د بازنێ ژیانێ دا ژ ژینگەهێ وەردەگرن،مروڤ ژی پشکەکە ژ ڤان گیانداران و بەشدارە د پروسێسا ژینگەهێ دا،ب شێوەیەکێ زور بهێز و کاریگەر ڕولێ خو د ژینگەهێ دا دگێڕیت. هەروەسا سەرەدەریا جڤاکی دگەل ژینگەھێ بەشێوەیەکی گشتی نە یا باش وتەندروستە، لێ ئەڤ سەرەدەریە ژی رێژەییە ژ جڤاکەکێ بو جڤاکەکێ دی جودایە، ئەڤە ژی ل سەر ئاستێ تێگەهشتن و هۆشیاری و روشەنبیریا هەر جڤاکەکێ ڕادوەستیت ،بو نموونە ل وەلاتێن ئەوروپی ژ بەر کو ولاتێن مەزنێن پیشە سازی نە و کێمتر مفا ژ وزەیا سروشتی دهێتە وەرگرتن، دوکێلا هەمی وان کارگەهێن پیشەسازی ڕاستەوخو کارتێکرن ژ ژینگەهێ کریە و بگرە ژیان ل سەر گویا زەمین ل ژێر مەترسیا پیس ژینگەهێ دایە و بسپورێن ژینگەهـ ناسیێ هوشداریا گەرم بوونا چینێن هەوایی ددەن کو مەترسیە ل سەر ژیانا مروڤان ژ بەر هندێ ب سالانە چەندین کونگرە دهێنە گرێدان بو مەبەستا پاک ڕاگرتن ژینگەهێ و ڤەڕەڤاندنا مەترسێا گەرمبوونا چینێن هەوایی ژ بەر ڕێژا زورا دوکێل و ئەو سوتەمەنیێ د کارگەهان دا دهێتە بکار ئینان، لەو مان جڤاکێن ڕۆژهەلاتی و ڕوژئاڤایی پێدڤی شوڕەشەکا ژینگەهپارێزیێ هەنە بو پاراستنا ژیانێ ل سەر ئەردی، بێ گومان روشەنبیریا ژینگەهێ دناڤ جڤاکی دا د ئاستێ پێدڤی دا نینە لێ حاشایی ژێ ناهێتە کرن کو هێدی هێدی ژینگەهـ یا پیرۆز دبیت دناڤ جڤاکێ مەدا رەوشا پاراستن و خەملا داروباران بەلگەنە ژ بو باش بون و بلند بوونا پلەیا ڕوشەنبیریا ژینگەهپارێزیێ، ب دیتنامن ژینگەهـ و جڤاک تەمامکەرێن ئێکن و هەردووک ڕامانێ ددەنە هەڤ،چونکە ئەو پەوان و ئەردێ لسەر دژی پێدڤی تەیە و دڤێت یا تەندروست بیت ب هەمان شێوە ژ بو تەندروستیەکا باشتر ئەم پێدڤی ژینگەهەکا تەندروستین،ئانکو د هەڤپشکین ژ بو تەندروستیەکا باشتر و گومان ژی تێدا نینە ژینگەهـ ڕۆلەکێ ئێکجار مەزن دگێڕیت د ئاڤا کرنا کەسایەتیێ دا دا کو مە کەسایەتیەک پێڕفێکت هەبیت فەرە دەستپێکێ ژینگەهپارێزیێ بکەینە کلتورە و بەردەوامیێ ب وێ ڕێیێ بدەین،ژینگەهـ ئانکو ئەو چوارچوڤێ تو وەک مروڤ ژیانێ تێدا پڕاکتیزە دکەی ژبەرهندێ هەڕدەم ژینگەهپارێزی بلا ل سەر زارێن مەبیت و بکەینە نەریت دا کو نڤشێ نوی ژینگەهپارێزیێ بکەنە ستونەک ژ ستونێن ئاڤاکرنا کەسایەتی و جڤاکی .

مقالات

Default Image

المستقبل للدول غير المتقاعسة مناخياً

المصادقة على اتفاقية باريس حول تغيّر المناخ تؤشّر إلى عصر جديد، تحكمه قواعد مختلفة عما كان سائداً من قبل. قبل مؤتمر باريس العام الماضي، كان البعض يراهن على أن الاتفاق لن يحصل، والنتيجة كانت توقيع مئتي دولة، بما فيها الملوثان الأكبران الولايات المتحدة والصين.…

دستور اقليم كردستان باللغة الكردية

الإعلان العالمي لحقوق الإنسان

دستور اقليم كردستان باللغة العربية

Go to top