ژیان یاسین
سروشتێ دەستەلاتدارێن شوفینیە کو مللەتى مژویل بکەن ب هندەک پرسێن لابەلاڤە وەکى دروستکرنا سیناریویێن ئێمناهیێ ، راوەستاندنا خزمەتگوزاریەکا سەرەتایى ، بو وێ چەندێ کو مللەت پێڤە مژویل ببیت و پرسا سەرەکى کو دەستەلاتێ شوفینیە و نەدادپەروەریە ژبیرا خەلکى ببەتن ، دنوکەدا خەلک هند مژویلى پرسا هاتن و نەهاتنا موچەی ،ئاڤ و کارەبێ ، هند پرسا تەفروتالانکرنا کوردستانێ لبیرا خەلکى نینە ، پرسێن نیشتیمانى نەماینە بابەتێ گفتوگویا خێزانى ، چونکى تا ئاستەکێ نە خێزان مایە و نە گفتوگو . کویلەکرنا خەلکى و رەنجاندنا خەلکى بو مووچەى کو سەرەتایترین مافێ مووچەخورایە تا ئاستەکی مەزن کارکریە سەر هەستێ نەتەوایەتى بگشتى ، ئێدى پرسا خاک و نیشتیمان ، گەندەلى، بەرتەنگکرنا ئازادیا رادەربرینێ ، تالانکرنا سامانێ گشتى، توپبارانێن تورکیا و دەولەتێن داگیرکەر بو سەر ئاخا کوردستانێ نەماینە بابەتێن گرنگ لدەف پرانیا خەلکى ، ئەڤە ژى ب بەرنامە دهێتە دارێشتن دبەرژەوەندیا دەستەلاتدارێن شوفینى دا چونکى دزانن ئەگەر خەلک ژبەر ڤان کریزێن دەستکرد ئاگەھ ل زیندانێن نهێنى و گەندەلى و تاوانا و تالانکرنێ و قورخکرنا دەستەلاتى نامینیت
