ئەڤ کونگرە هاتە گرێدان ل بەرازیلێ ب ئامادەبونا ١٥٠ کەسان ژ سەروکێن وەلاتان و حکومەتا و هەروەسا نوینەرێن وان .مەبەست ژێ دانانا ستراتیجیەکا جیهانى بووکو دەولەت پێگربن ب چارەسەرکرنا ئاریشا پیسبونا ژینگەهێ ،نەهاوسەنگیا ژینگەهێ و مەترسیاوێ لسەر نوکە و پاشەروژا مروڤایەتیێ ، دیارکرنا ئەرک و پەیمانێن کو ئەرکن لبن روناهیا راسپاردە و پێشنیارێن دەستەیا نەتەوێن ئێکگرتى .ئاریشێ تەکەز کرە سەر دیارکرنا ئەگەرێن پیسبونێ و بەردەوامیا دەرهەڤێتنا گازا د بەرگەیێ هەوایى دا ، دیارکر کو بەرپرسێ ئێکێ ژ پیسبونێ وەلاتێن مەزنێن پیشەسازینە ، وەلاتێن ئێکگرتى یێن ئەمریکا کو رونشتڤانێن وان ٤% ژ رونشتڤانێن ئەردى یە ٢٥% بەهرا پیساتیێ بەردکەڤیت ، وەلاتێن پیشەسازى یێن ئەوروبى برێژا ١٣% . ئەڤ وەلاتە رێژا روینشتڤانا ٢٠% یەکو ٨٠% ژسامانێن سروشتى بکاردبەن ددەمەکێ دا ٨٠% ژ رونشتڤانێن ئەردى ٢٠%سامانێن سروشتى پەیدابکەن . پارادوکسەک دیاردبیت دانڤبەراهەلویستێ وەلاتێن نەپێشکەفتى و وەلاتێن پیشەسازى ، دەربارەى پشک ژ کێمکرنا پیسبونێ و بەرهنگاریا مەترسیێ ، کونگرە بسەرکەفت ب دەرێخستنا کومەکا بریارا کو پێویستە دەولەت پێگربن .
باوەرنامەک هاتە ئیمزاکرن و ناڤێ وێ کرە میساقا ئەردى، گرنگترین پێکهاتێن وێ
أ-دەولەتێن پیشەسازى پەیمانێ بدەن کو هاریکاریێ پێشکێشێ دەولەتێن نەپێشکەفتى بکەن ب رێژا ٧% ژ بەرهەمێ نافخویى .
ب – پێشکێشکرنا پەیمانێن کو دەولەت پێگر ، بتایبەت یێت پیشەسازى ، دەربارەى دەرهاڤێتنا گازێن زیانبەخش.
ج-چارەسەرکرنا ئاریشا جیاوازیا دناڤبەرا کومەلگەهێن وەلاتێن پیشەسازى و وەلاتێن نەپێشکەفتى، کو ئاریشەکە دەرهاڤێشتەیا تێکدانا هاوکێشا گەشەپێدانێ یە و بکاربرنا سامانێن سروشتى ئەڤە ب ئاراستێ چێکرنا دادوەریا ناڤبەرا کومەلگەهێن ڤان وەلاتێن پیشەسازى ب پێشکێشکرنا تەکنیکێن ژینگەهێ بو وەلاتێن نەپێشکەفتى .
د-دەولەتێن پیشەسازى پێگرن کو تەکنیکێن ژینگەهێ پێشکێشى دەولەتێن نەپێشکەفتى بکەن .
هـ – گەهشتن ب گورانکاریا د ئەقلێ ئابوورى یێ حکومەتو کومپانیا ، کو سلامەتیا ژینگەهێ ئەندامەکە یان ژى بەشەکە ژ بریارا ئابوورى . و-رازیبون لسەر کێمکرنا پیسکرنا هەوایێ گەردوونى بو ئاستێ ١٩٩٩ هەتا سالا ٢٠٠٠.
