لە کاتێکدا کە ئێستا وا کۆنفڕانسی کەشوهەوا لە بۆن، سەرقاڵی ڕێگەچارەیەکە بۆ پاراستنی جیهان لە ماك و دەرئەنجامەکانی گەرمبوونەوەی گۆی زەوی و قەتیسبوونی گەرمی خۆر لە ئەتمۆسفێری گلۆبالدا، وا جیهان ڕووبەڕووی کۆمەڵێ کارەساتی سروشتی دەبێتەوە، دوا کارەسات بومەلەرزەکەی ناوچەی ڕۆژهەڵات و باشوری کوردستان بوو لە ١٣ ی ئەم مانگەدا و بە هێزێك بە بڕی ٧،٣، کە قوربانیەکی زۆری لێکەوتەوە و زیانێ...کی زۆری لە ماڵك و ماڵی دانیشتوان دا. ئاشکرایە کە لە ئێستادا، مرۆڤ و ژینگە کەوتوونەتە نێو هاوکێشەیەکی ناهاوسەنگەوە، کاتێ مرۆڤ بە کردار و ڕەفتار و تاڵانکردنی سامان و دەرامەتی سروشت سەرقاڵ بووە و هەر خۆی بووەتە هەڕەشە لەسەر ژینگەکەی و بەو ئابووریە کلاسیکیەی هەر لە خەمی داهات و دراوەکەی بوو، بێ ئەوەی ڕەچاوی هیچ لە کاردانەوەکانی بکات، تا وای لێ هات کاردانەوەی ژینگە هەر خۆی بووە هەرەشە نەك هەر لەسەر مرۆڤ بەڵکو لەسەر تەواوی زیندەوەر و دامەزراو و پێگەی ژیانی سەر گۆی زەوی.

ڕاستە بومەلەرزە ڕووداوێکی سروشتیە و زەحمەت بتوانرێ ڕێ لە زیانەکانی بگیرێ، بەڵام دەتوانرێ زیانەکەی تا ڕادەیەك سنووردار بکرێ، زانست باشترین یارمەتیدەرە بۆ بنیاتنانێکی توندوتۆڵی خانو و باڵەخانە و پرد و بەنداو و شوێنە گشتیەکان، تا بە هەژین و زەمینلەرزەیەکی کەم دانەڕوخێ، کەرەستە و پلانی بنیاتنان و ئاوەدانکردنەوەی مۆدێرن، کارەساتەکانی سروشت ڕەچاو دەکات و دەتوانێ کەرەستەکانی خانوبەرە تا ڕادەیەك بە جۆرێك بەرهەم بهێنێ کە بەرگری لەرە و هەژاندنی بومەلەرزە بکەن و نەیەڵن زیانەکانی زیاتر بێت.
ئێمە وەکو ڕێکخراوی سەوزی ئەوروپی – کوردستانی هاوخەمی خۆمان بۆ ڕوودانی ئەم کارەساتە سروشتیە لە کوردستاندا دەردەبڕین، هیوادارین هەر کەس لە توانایدا بێت بەشداری کۆمەك و یارمەتیدانی لێقەوماوان و دەربەدەرەکان بکات، بە تایبەت کە باشوری کوردستان بە قۆناخێکی سەختی قەیران و کێشەی سیاسی و ئابووریدا تێدەپەڕێت، وە ئومێدەوارین کە جەماوەر بە بڕواوە کار لە سەر وشیاری ژنگەیی و پاراستنی ژینگە بکات لە دەوروبەری خۆی، کە دەرئەنجامی ئەرێنی لەسەر تەواوی دونیادا دەبێت.
ڕێکخراوی سەوزی ئەوروپی - کوردستانی

مقالات

Default Image

المستقبل للدول غير المتقاعسة مناخياً

المصادقة على اتفاقية باريس حول تغيّر المناخ تؤشّر إلى عصر جديد، تحكمه قواعد مختلفة عما كان سائداً من قبل. قبل مؤتمر باريس العام الماضي، كان البعض يراهن على أن الاتفاق لن يحصل، والنتيجة كانت توقيع مئتي دولة، بما فيها الملوثان الأكبران الولايات المتحدة والصين.…

دستور اقليم كردستان باللغة الكردية

الإعلان العالمي لحقوق الإنسان

دستور اقليم كردستان باللغة العربية

Go to top