ئەڤە ماوێ دوو هەیڤانە دبەرچاڤێ هەمی دنیایێ دا نەرازیبون دبەرامبەر سیستەمێن گەندەل و زولمدار تێتە کرن ، چریسکا ڤێ شورەشێ ل تونسێ سەرهەلدا ب خوسوتنا ( محمد بو عزیزی ) ئو بو ئەگەرێ سەرهەلدانەکا سەرانسەری ل تونسێ . بەلێ ل دەمەکێ کورت گەهشتە میسر و یەمەن و بەحرین و لیبیا و جزائر و عیراق و گەلەک ولاتێن دی .
ل دەمێ ئەم ب چاڤەکێ هویر بەرێخوبدەینە ڤان خۆپێشاندانا دێ بینین کو دەست پێک ب دروشمێ پەیداکرنا خزمەت گوزاریای یە، و چەند داخازیێن دیێت بچیک ژ لایێ خۆپێشاندەراڤە تێنە داخازکرن بەلێ بەرسڤا دەست هەلاتدارا نە گوهداریە و وەسف کرنا خۆپێشاندەرا ب تێکدەرو فەوزەوی و دەستێن خارجی ل پشدانە. ئەگەرێ تورەبونا جەماوەری د بیتە ئەگەرێ هندێ ئێک سەر ئارمانجێت خۆپێشاندەرا دهێنە گوهرین ئو دبنە جاکسازی و نەهێلانا گەندەلیێ ، ئەگەر هات و نە گوهداری یا بەردەوام بو ژ لایێ حکومەتا هەرێمێڤە و پارتێن دەستهەلاتدارڤە دێ توندو تیژی زێدەتر لێ هێت ئو دێ داخازیێن جەماواری دێ بنە گۆهرینا رژێمێ ئو هولوەشاندنا حکومەت و پەرلەمانی . بەلێ وەکو مە دیار کری ئەڤ سەرهەلدانا ب سێ قوناغا ب رێڤەدجن وە مللەتی مە نوکە داخازیێن وان د قوناغا دووێ دانە ئەگەر بەرسڤ نەبیت ئو جارەسەری نە بیت دێ مە بەرەڤ قوناغا سێ بەت ئو دێ بیتە کارەساتەکا مەزن ل سەر گەلێ مەیێ ماندیبوێ.
مللەتێ مەژی وە جەماوەرێ سلیمانییا خوشەویست ب تایبت وەکی هەمی مللەتێن باكورێ افریقیا و ولاتێن روژهەلاتا ناڤین سەرێ خو هەلداو هەست ب ڤێ ناعەدالەتیێ و گەندەلیێ و مەحسوبیەت و تێکەل کرنا کارێ حزبی د ناڤ دام و دەزگەهێن میریدا کریە ، وە نەرێزگرتن بەرامبەر رێکخراوێن کومەلگەها مەدەنی و ئوپۆزسیونێ و قەلەمێن ئازاد و کەسانێن نیشتمان پەرورەر.
لرێکەفتی 17.02.2011جەماوەرێ خوشتڤیێ ( سلیمانیێ) برێکا جەند رێکخراوێن کومەلگەها مەدەنی ڤە خوپیشاندانەکا ئاشتیانە ئو یا مولەت وەرگرتی ئان کو ( مجاز ) ژ لایێ حکومەتێڤە ل گورەپانا سەرەکیا سلێمانیێ خۆپێشاندنەک ئەنجام دا ، پشتی ب دوماهیک هاتنا خۆپیشاندانێ هندەک ژ خۆپیشاندەرا بەرەڤ بارەگای لقا 4 یا پارتی دیموکراتی کوردستان ڤە چون ئو دەست هاڤێتە بەر بارنکرنا پارەگایێ لقا 4 یا پارتی ، بەلێ بەداخەوە چەکدارێن لقا 4 بەرسڤا خوپێشاندەرا دا ب گولێن تڤەنگا ئو بو ئەگەرێ کوشتن و برندارکرنا پتر ژ 50 هاولاتیێن سڤیل وە ئەڤ ریدانە یاهاتیە ڤیدیو کرن و یا ئاشکرایە . ئەڤە بو روژا پێنجێ یە ئو پێشێلکاری د بەردەوامن بەرامبەر جەماوەرێ سڤیل ژ لایێ چەکدارێن میریڤە و لێدانا روژنامەڤاناو سوتنا کەنالەکێ تلەفزیونیێ بێلایەن ( نالیا ) .
ئەم وەکو رێکخراوا سەوزا ئەوروپی ـ کوردستانی دژی هەر توندو تیژییەکێنە چ ژلایێ جەماوەری ڤەبیت ئان ژ لایێ هێزێن دەست هەلات دارڤەبیت ئو دڤێت هەمی لایەک پاراستنا دام و دەزگەهـ و بارەگایێن پارت و لایەنێن سیاسی و ملک و مالێن خەلکێن سڤیل بکەن . هەر وەسا ئەم ڤێ رەفتارێ مەحکوم دکەین کو بەرسڤا خۆپێشاندەرا ب گوللێن تڤەنگابهێتە دان . دڤێت رێز ل داخازێن جەماوەری بهێتە گرتن . ئو ئەو کەسانێن توندو تیژی و چەک ب کار ئینای بهێنە دادگا کرن .
ئەم وەکو رێکخراوا سەوزا ئەوروپی ـ کوردستانی دگەل وان داخازاداینە کو چارەیەک بو بێکارا هەبیت وە دادپەروەری هەبیت ل موچەیەدا و محسوبیەت نەمینیت و رێز ل قەلەم و روژنامێن ئازاد و رێکخراوێن گوملگەها مەدەنی یێن بێ لایەن بهێتە گرتن . هەروەسا بو جارا گەلەکێ داخازێ ژ پەرلەمان و سەروکێ هەرێمێ د کەین هەردوو وەزارەتێن هاتینە لادان ( وزارەتا ژینگەهێ ـ وزارەتا مافی مروڤ ) بهێنە زڤراندن ئو بکەڤنە کاری و ئەکتیڤ کرن ژ کەسانێن پسپور ئو شەهرەزا نە ل سەر ئەساسێ مەحسوبییەت و حزباتیێ.
رێکخراوا سەوزا ئەوروپی ـ کوردستانی
