 |
ل ١/١١/٢٠١٠ رێكخراوا سەوز یا ئەوروپی و كوردستانی هاتە دامەزراندن ، ١٤ سال ژ خو راگریێ و سەربەخویێ پیروزبیت ل هەمی هەڤالێن رێكخراوێ و ژینگەهـــ دوستان. رێكخراوا سەوز د ڤان ١٤ سالان دا شیایە ب دەهان ڤەكولینا بكەت و كومەكا پەرتوكێن ئەكادمی و پر زانست بێخیتە بەردەستێ خوەندەڤانان و خەمخورێن ژینگەهێ. دیسان ژی شیایە مەزنترین پروژێ پەروەردەیا ژینگەهێ بئەنجام بگەهینیت كو ئێكەمینە لسەر ئاستێ هەرێما كوردستانێ و ئیراقێ . بەرێزان ، روژ بو روژ پێشێلكاری دەرهەقێ ژینگەهـــا مە دهێتە كرن ل ئەرد و ژێر ئەرد و ئەسمانێن كوردستانێ ، ئەم وەك رێكخراو ب ئەركێ خو دبینین كو لهەمبەر ڤێ ستەمكاریێ بێدەنگ نەبین و بەردەوام كومەلگەهێ نێڤ دەولەتی ئاگەهداردكەین لسەر ڤان پێشێلكاریان . دێ بەردەوام بین لسەر هەلویستێن خویێن ژینگەپارێزی و نیشتیمان پەروەری ..
پەروەردا ساخلەم د ژینگەها ساخلەم دا بەرهەم دهێت
شاد و سەركەفتی بن
رێكخراوا سەوز یا ئەوروپی و كوردستانی
١/١١/٢٠٢٤
