ل ساڵا 1991 و تا نوكه، بێ ڕاوه‌ستان سوپایێ داگیركه‌رێ توركیا ب تۆپ و تانگ و باڵه‌فرێن شه‌ڕى، ب به‌رده‌وامى و بێى هه‌بوونا چ ئاسته‌نگێن یاساى و ڕێگیریێن نیڤ ده‌وله‌تى و هه‌رێمى ل هه‌مبه‌رى وان یێ ئه‌ردێ ڤى وه‌ڵاتى تۆبباران دكه‌ن، ئه‌و بیێ ژێك ڤاڤارتنا كه‌سێن چه‌كدار و سڤیل مرۆڤان دكوژن و بزاڤا خۆ زاڵكرنێ ل سه‌ر ئاخا باشوورێ كوردستانێ دكه‌ن. زێده‌بارى وان زیانێن مه‌زن یێن كو به‌ر ب مرۆڤێ كورد ل ڤان ده‌ڤه‌رێن تۆببارانكرى دكه‌ڤیت د هه‌مان ده‌م دا زیان دگه‌هن دیرۆكا مه ژى و د پال دیرۆك و مرۆڤان دا، ژینگه‌ها مه یا خۆدایى ب تمامى یێ ژ ناڤ دبه‌ن. دار و باخ و بیستان و ره‌ز دهێنه ژناڤبرن و سۆتن و ئاڤ دهێته پیسكرن و ماسى و گیانه‌وه‌رێن دیتر یێن ئاڤى ژ ناڤ دچن و گیانه‌وه‌رێن كویڤى دهێنه تلفاندن و قه‌لاندن دگه‌ل ئاگرێ بۆمبه‌یێن وان، گازێن كۆژه‌ك یێ به‌ڵاڤ دكه‌ن ئه‌ڤ گازه تێكه‌لى ناڤا دار و بارێن ماى و ئاڤا ئه‌م بۆ مه‌ره‌مێن ڤه‌خارنێ ب كاردئینن دبیت و زیانێن دووم دڕێژ ل سه‌ر جڤاكا كوردستانى په‌یدا دبن، هه‌روه‌سا هه‌وایێ ڤان ده‌ڤه‌ران هه‌ر ژ به‌ر هه‌مان گازێن كۆژه‌ك پیس دبیت و ده‌ما ژ لایێ مرۆڤ و گیانه‌وه‌رانڤه دهێته بكارئینان ژ بۆ هه‌ناسه‌دانێ جاره‌كا دیتر كارتێكرنێن نه‌رێنى ل سه‌ر ژیانا وان په‌یدا دكه‌ن و ئه‌ڤ یه‌كه دبیته سه‌ده‌مێ هندێ كو ب به‌رده‌وامى نه‌خوشیێن كوژه‌ك د لاشێ مه دا هه‌بن، له‌ورا دڤێت سنوره‌ك ژ بۆ وان ده‌ست درێژاهیا بهێته دانان و نابیت ئێدى رێك بهێته دان وه‌سا ب هێسانى ئه‌ڤ داگیركه‌ره ژینگه‌ها وه‌لاتێ مه تێكده‌ن و ببنه مه‌ترسى بۆ سه‌ر گیانێ هه‌ڤوه‌لاتیێن كوردستانێ.
تۆپبارانێن توركیا و زیانێن وان بۆ سه‌ر ژینگه‌ها کوردستانێ
