لسەردەمەكی ئەو وەلاتێن خودان ژێدەرێن باش یێن سامانێ كومرێ خودان ئابورەكێ موكم وداهاتەكێ زەبەلاح بون نەخاسمە ل دەمێ شورەشا پێشەسازی سەرهلدای خاست لسەر ڤی سامانی بەرەف زێدەبونێ ڤە دچیت
سەرەرای سەختیا دەرهێنانێ وبهایێ وڤەگوهاستنێ وژێدەرێ سەرەكی یێ پیس بون وتێكدانا ژینگەهێ، و پشتی دەمەكێ كێم ولدەستپێكا دیتن ودەرهێنانا سامان وژێدەرێ پترولێ وبكارئینانا وێ دبوارێ وزێ وپێشەسازیێ دا دكەڤیتە لپێشیا سامانێ كومرێ وسەرجەم ئەو وەلاتێن پشت ب دەرهینان وفروتنا كومرێ دكر توشی داروخانەكا ئابوری دبن
وئیدی ئەو سامانە نەما ژێدەرێ سەرەكی یێ داهاتی و وزێ بتنێ دچەند بوارێن پێشەسازی یێن كێم نەبیت
وپترول دبیتە ژێدەرێ سەرەكی یێ وزێ د جیهانا پێشەسازیێ دا
وئەو وەلاتێن پترول لێ هاتیە دیتن ودەرهینان دبنە ژێدەرێ سامانەكێ پر پێدڤی و بها وخودان ئابورەكێ بهێز
بتنێ چەند وەلات نەبن كە پترول ل شوینا بیتە نعمەت بەروڤاژی لسەر خو دكەنە نقمەت ،
سەرەراێ ڤێ چەندێ زوربەی وەلاتێن پێشكەفتی وپیشەسازی یێن جیهانێ مژیلی پەیداكرنا ئەلترناتیڤانە ( بدائل )
ل شوینا پترولێ یێن كێم بها تر ودهەمان دەمدا دوست بو ژینگەهێ
مینا وزا ئەلكتریكێ وهایدروجینێ وئاڤێ وهەواێ وهتد… بەشەك ژبسپورێن دبیاڤێ پترولێ دا ددەنە خویاكرن ئەگەر بتنێ ترومبێل لشوینا بەنزینێ بهێزا ئەلكتریكێ كار بكەن كەفیلە كو خواستا پترولێ ل جیهانێ برێژەكا زور بەرەف كێم بونێ ڤە بچیت ورەنگە ل داهاتویەكێ نێزیك ودگەل گەشەكرنا ژێدەرێن وزێ یێن نوی
ئایندێ وەلاتێن بەرهەمهێنەرێن پترولێ مینا وەلاتێ مە یێ باشتر نەبیت ژ وەلاتێن بەرێ و خودان سامانێ گومرێ
ئەوا گرنگ وژهەژی گوتنێ ئەوە ئەم وەك وەلاتەكێ پاشكەفتی و١٠٠% خودان ئابورەكێ ب پترولێ ڤە یێ گرێدای دێ چارەنڤیسێ مە چ بیت نەخاسمە ل ڤی سەردەمی ئەگەر خواستا وەلاتێن پێشەسازی پێتر كێم بیت ولبەرامبەردا
دوو وەلاتێن خودان بەرهەم وهناردەكێ زورێ پترولێ مینا وەلاتێ روسی و میرنشینا سعودیێ
دێ چارەنڤیسێ ئابورێ وەلاتێ مە بەرەف چ ئاقارەكی ڤە چیت
ددەمەكیدا بتنێ ب نزم بونا بهایێ پترولا جیهانی وەلاتێ مە توشی داروخانەكا ئابورێ وچەندین قەیرانا بویە.
