رێکخراوا سەوز ا ئەوروپی کوردستانی
رێکخراوا سەوز ا ئەوروپی کوردستانی ژ بو جارا دوویێ هێرشێن تورکیا و ئیرانێ بو سەر هەرێمێن سنوری یێن عێراقێ و کوردستانێ شەرمەزار دکەین، کو بویە ئەگەرا هێرشێن بەردەوام یێن تری و ئیرانێ بو سەر گوندێن کوردستانا عێراقێ ژ لایێ توپ و فروکێن هەردوو دەولەتا بدرێژیا دوو حەفتیان بو سەر ڤێ هەرێمێ بەردەوامە. ئەڤ هێرشنە بونە ئەگەرا زیانەکا مەزن ژ لایێ روحی و زیانێن مالی یێن خەلکێن ڤان گوندان کو پرانیا وان خەلکێ ئاشتیخواز و سڤیلن، هەروەسا ژ ئەگەرا ڤان توپبارانکرنا زیانەکا مەزن ب ژینگەها هەرێمێ کەتیە و بویە ئەگەرا ئاگربەردانا چیا ونهالان و خرابکرنا رێک و پرێن ڤێ دەڤەرێ ژ نەچاری خەلکێن ڤان گوندان ملک و مالێ خوە بجی هێلایە و کوچبەربوونە. حکومەتا ترکی و ئیرانێ لهەمبەری خوەپیشاندان و نەرازیبونێن جەماوەری لعێراقێ و دەرڤەی عێراقێ بێ دەنگ ماینە و بەلکی گوهنەدانا خەلکێ هەرێمێ و دورکەتنا ژ چارەسەرکرنێن ئاشتیانە یێن پرسگرێکێن هەرێمی، ببهانەیا هەبوونا هێزێن پارتیا کارکەرێن کوردستانێ و هێزێن پارتیا ژیانەوەی ئازاد ا کوردستانێ لڤێ هەرێمێ، لێ ئەڤ یەکە دویرە ژ راستیێ کو هێزێن ڤان پارتیان د گونداندا بن و دڤێت راستیا وێ ژی بهێتە گوتن کو ئەڤ هەردوو هێزە خوەدی جەماوەرەکێ بەرفرهەنە لهەریمێ و نوینەراتیا خەلکەکی دکەن، ژ بو وێ ئەڤە خودان دیروکەکا سیاسینە ژ بو پاراستنا مافێن گەلێ کورد لەوما دڤێت برێکێن دانوستاندن و ئاشتیانە ئەڤ پرسگرێکە بێنە چارەسەرکرن نەک برێکێن لەشکەری و بومبارنکرنا خەلکێ سڤیل بڤێ بهانەیێ. ئەم وەک رێکخراوا سەوزا ئەوروپی کوردستانی دوێ باوەرێ داینە کە حکومەتا ئیرانێ و تورکی یەک فکرن ژبو بنپێکرنا پیروزیا خاکا عێراقێ و حکوموتا عێراقێ ژی لبەرامبەری ڤان هێرشان بێ هەلوێستە. ئەڤ دوژمنکاریەژی دژی یاسایا نێڤنەتەوی و یاسایا مافێ مروڤان یا نێڤنەتەویە کو د پروتوکولێ ئێکێ د پاشکویا پەیمانا جنێف یا سالا ١٩٧٧ یا مافێ مروڤان د بەندا (ب) دا لرێزا پێنجێ ژ مادێ ٥١ ێ کو ب هێرشێن بێ بەرپسیاری دهێنە بناڤکرن. جاڤەرێکرنا گەلەک زیانێن روحی و مادی یێن خەلکێ سڤیل ژ ئەگەرا ڤان هێرشێن لەشکەری کو ژبو بدەستخستنا دەستکەفتێن لەشکەری بشێوەکێ بەرنامەکری هاتینە دارێتن خەلکێ هەرێمێ و ژینگەها ڤێ هەرێمێ ببیتە قوربانیا ڤان دیتنو هێرشان. بەندێ (ب) ژ رێزا دوویێ ژ مادێ ٥٧ ێ ژ پروتوکولێ ئێکێ یێ سالا ١٩٧٧ ئیشارەتێ بوێ ئێکێ ددەت کو، هەموو هێرشێن دەرڤەی ئارمانجێن لەشکەری ئینکار دکەت یان یێن پەیوەندی ب پاراستنا تایبەتڤە هەی، یان ئەو هێرش ببن ئەگەرا زیانێن مروڤی و برینداربونا کەسێن سڤیل، کو دئەگرێ دا زیان بگەهنە کەسێن دەرڤەی ئارمانجێن لەشکەری و ببن قوربانین ڤان هێرشان، جهێ داخێ یە کو ئیران و تورکیا پێگریێ ب یاسایێن نێڤ نەتەوی و مافێ مروڤی ناکەن هەروەسا پێگریێ بوان پروتوکولا ناکەن یێن ئیمزاکرین و وەکی هێزێن دەرڤەی یاسایی ڤان هێرشان ئەنجام ددە ن. هەروەسا جهێ سەرسورمانێ یە کو ئەو دەولەتێن ئەڤ پروتوکولا ئیمزا کرین لبەرامبەری ڤان هێرشێن ترکی و ئیرانێ بێ دەنگ دمینن ئەڤەژی نە پێگیریکرنە بپروتوکولێن نێڤ نەتەوی و پەیمانێن نێڤنەتەوی. ژبەر ڤێ ژی ئەم وەک رێکخراوا سەوز یا ئەوروپی کوردستانی ڤان هێرشان شەرمەزار دکەین و دخوازین کو رێز ل سنورێن عێراقێ و خەلکێ هەرێمێ بێتە گرتن و ئێدی زیان نەگەهیتە ژینگەهێ ژ ئەگەرا هێرشێن لەشکەری یێن ئیران و تورکیا لەوما ئەم دخوازین بزویترین دەم ئەڤ هێرشە بێنە راوەستاندن رێکێن دبلوماسی و ئاشتیانە بو چارەسەرکرنا پرسگرێکان بێنە هەلبژارتن نەک پەنا ببەن بەر هێزا لەشکەری، هەروەسا ئەم بانگ ل حکومەتا عێراقێ دکەین برێکێن دبلوماسی و ئاشتی و یاسایی و بەرژەوەندیێن هاوبەش یێن هەردوو دەولەلەتا یێن ئابوری دگەل وەلاتێ مە ببیتە ئالاڤەکێ هێزێ لسەر وان ژبو راگرتنا ڤان هێرشان. ئەم دەنگێ خوە دگەل دەنگێ خەلکێ باژێرێن کوردستانێ و ئەوروپا بەرز دکەین ژ بو پرسگرێک برێکێن دبلوماسی و ئاشتیانە بێنە چارەسەرکرن و بانگ ل سازیێن نێڤ نەتەوی و جڤاتا تەناهییا نێڤنەتەوی ژی دکەین کو بزویترین دەم هێرشێن حکومەتا تورکی و ئیرانێ بو سەر خاکا وکوردستانا عێراقێ بێنە راوەستینن.
