جڤاتا هێژا بەری ئەز پەیڤا خو بێژم سوپاسیەکا بێ سنور ژ بو هەڤالێن خو ماندی کری ژ بو سازدانا ڤێ چالاکیێ ئو ئەڤ کونفرانسە ئامادەکری هەر وەسا سوپاسیا شەهرەداریا دیاربکر دکەین وە ئومێدەوارم هەمو لایەک سەرکەفتی بیت .
جڤاتا بەرێز ئەم ئەڤرو خو سەرفەراز ئو سەربلند دبینین کو ئەم لناڤ بەرا ژمارەیەکا زورا رێکخراوێن سڤیل یین هەر چار پارچێن کوردستانێ کو ل باژێرێ ئامەدێ حازر بوین .
جڤاتا بەرێز ئەم رێکخراوا سەوزا ئەوروپی کوردستانی ، کار و خەباتێ د کەین ژ بو پاراستنا ژینگەهێ ل کوردستانێ ب تایبەتی وە لجیهانێ ب گشتی ژبەر کو ئەم هەمی باش دزانیین کو ژینگەهێ چ سنور نینن ، دەمێ ریدانەک ئان کریارەکا بەرەو پێچ لهەر جهەکی بیت جەند دیربیت ل سەر کوردستانێ بریکا باو ئاڤ و کەرستێن جودا زەرەر مەندییێ و کارتێکرنێ ل سەر کومەلگەها مەژی دکەت .
جڤاتا هێژا ئەم باش دزانین دوژمنێن مە چ بسەرێ مە ئو ژینگەها مە ئینایە ئو چ تاوانێن درندە ئو نە مروڤانە کرینە بەرامبەر مللەتێ و ژینگەها کوردستانێ . هەر ل دەست پێکا خراب کرنا گوندێن کوردستانێ ئو ڤەگوهاستنا خەلکێ ڤان گوندا بو باژێرا و زێدەبونا رێژا بێ کارا ل ناڤ خەلکێ مەیێ جوتیار و هەژار . دوژمنێ مە ب ڤێژێ رەحەت نەبو ، رابو ب هشک کرنا کانی و سەرجافکێن ئاڤێ بەلێ درندەیا دژمنی هێش زێدەتر لێهات رابو ب کارئینانا جەکێ کیمیائی بایلوجی کو ئەڤ جورە چەکە ئێ قەدەغەکریە ل هەمی جیهانێ وە ئەڤ رژێمێن دژێ مللەتێ کورد ئەڤ جورە جەکە ب کار ئیناین ئەندامێن ل ئمزا کرنا ڤان پروتوکولێن نێڤ دەولەتی .
هەر وەسا دلێ دژمنێن مە ب ڤێ چەندێژی خوش نەبو رابون ب سوتاندنا چیایێن کوردستانێ چ ب توببارانکرنێ چ ب رێکا فرۆکا ئانژی ب دەست . جڤاتا هێژا هوین هەمی دزانن پاراستنا ژینگەها کوردستانێ ئەرکەکێ نیشتمانیە ئرکەکێ ئەخلاقیە ل سەر ملێ مە هەمیا چ رێکخراوێن سڤیل بن چ پارتێن سیاسی بن چ پێشمەرگەهێن قەهرەمانێن سەرێ چیا بن . لڤێرێ جارەکا دی سلاڤێن رێکخراوا سەوزا ئوروپی کوردستانی ل هەوە هەمیا بن ئو ئێدی سەرکەفتن بو کوردستانێ .
