ڕۆژانە ل سەر ئاستێ جیهانێ گرۆپ و کۆمێن جدا پەیدا دبن ژ پێخەمەت پاراستنا ژینگەهێ، وان ئارمانج پێ ئەوە هەمی ئەو مەترسیێن روی ب روی ژینگەهێ دبن لگورەی شیانان ڕێگیریێ لێ بکەن. ئەڤ کۆمە و گرۆپە ب ژینگەهپارێز هاتینە بناڤکرن لێ د بێ دەستهەڵاتن ل هەمبەری وەڵاتێن مەزن یێن پیشەسازی چونکی بریارێن وان ناگەهنە جهێ مەبەست. پلاستیک ئێک ژ وان ماددەیانە کو وک مەترسی بۆ سەر ژینگەهێ ل سەر ئاستێ جیهانێ دهێتە هژمارتن، ل گورەی داتایان ساڵانە 400 ملیون تەن ژ پلاستیکی دهێتە بەرهەمئینان، کو 40% ژ ڤی پلاستیکی ب تنێ ئێکجار دهێتە بکارئینان، و پاشان دهێتە هاڤێتن ژ لایێ بکارهینەرانڤە. هەروەسا ل گورەی داتایان 5 هزار ملیار پارچەیێن ڤان پلاستیکان د ناڤا زەریایان دا هاتینە هاڤێتن و ئەڤ چەندە وەک مەترسیەکا مەزن دهێتە ل قەلەم دان. یا فەرە ل سەر ئاستێ بلند کارێن جدی بهێن ئەنجامدان نابیت تیم و گرۆپ ب تنێ وەک ناڤ هەبن و بۆ کومبونان بهێنە درستکرن، دڤێت گرۆپێن بچیک ل باژێران ئێک بگرن و دەستەکێن بهێز لسەر ئاستێ وەڵاتان ئاڤا بکەن و کەسێن بهێز ژ لایێ دراڤی ڤە پشتەڤانیا وان بکەن دا کو بشێن ل سەر ئاستێ جیهانێ کارێن مەزن و ئێکگرتی ئەنجام بدەن. ل کوردستانێ، یا فەرە گرۆپ و کۆمێن ژینگەهپارێز کارێن بکۆم ژ بۆ پاراستنا ژینگەها وەڵاتی و نەهێلانا مەترسیا پلاستیکی بۆ سەر ژینگەهێ بکەن و دڤێت ب ڕێکێن سەردەمانە کار لسەر پلاستیکێ بکارهاتی بکەن و وێ ڕەوشەنبیریێ د ناڤا جڤاکی دا بەڵاڤکەن کو نابیت پلاستیک بکەڤیتە د ناڤا زکێ عەردی دا .
ژینگەهـ ل ژێر گەفێن پلاستیکی دایە
