چالاکیا رێکخراوا سەوز ل نەرویج بو بیرئینانا یادا هەلەبجە .

رێکخراوا سەوزا ئەوروپی کوردستانی بهەڤکاری دگەل ناوه‌ندا چاک‌و کوردۆساید چەند کەسایەتیێن بەرێز ، ئەڤرو ل رێکەفتی 17.03.2012 ل دەم ژمێر 4 ئێڤاری ل ئوسلویا پایتەختا نورویج ، یادا بیرەوەریا 24 سالیا هەلەبچە هاتە ل بیرئینان . پرانیا تەوەرێن ڤێ چالاکیێ ب ‌هەلەبچە و ئەنفالادا د گرێدای بون وەک و رێز گرتنەک بو خەلکێ هەلەبجەو ئەنفالکریا ، وە دوزینا رێگەجارەیا بو ناساندنا هەلەبجە وەکو چینو ساید ل کومەلگەها ئەوروپی و هەمی دونیایێ . ژ هەژی گوتنێ یە بەرنامە ب ڤی رەنگێ خارێ بو . دەقەک راوەستان ل سەر گیانێ شەهیدێن هەلەبچەو تەڤایا شەهیدێن کوردستانێ ، دیڤدا پەیڤەک ژ لایێ خانما نالیا ابراهيم ب ناڤێ رێکخراوا دوستانێن ژینگەهێ ل سوید هاتە پێش کێش کرن ،هەر وەسا پێشانگەهەکا شێوەکاری ژ لایێ ماموستا عمر درویش هاتە نیشاندان ، لدیفدا چەند پارچەیێن موسیکێ ژ لایێ بەرێزان (ئازاد ئامێدی – ئازاد کرکوکی ) هاتنە ژەنین ب دەزگەهێ عودێ ، ل دیفدا روژنامەڤان و هوزانڤان شوان حمە جەند هوزانەک کرنە دیاری بو کەس و کارێن شەهداو رەڤەندا کورد ل ئوسلو ، ل دوماهیێ پانێلەک هاتە سازدان ب رێڤەبەریا ماموستا جیهاد بەربرسێ رێکخراوا کوردوسایت وە ب ئامادەبونا بەرێزان هندرین اشرف بەرپرسێ رێکخراوا سەوزا ئەوروپی کوردستانی وە ماموستا عبدالله حیجاب سیاسەتمەدارێ روژهەلات وە بەرێز رفیق غفور بەرپرسێ رێکخراوا چاک ، پشتی بابەت ب تێرو تەسەلی هاتیە شلوڤەکرن ژ لایێ ڤان هەرسێ بەرێزانەڤە دەرگەهێ پرسیارو کومێنتارا ژ لایێ ئامادەبویێن هێژاڤە هاتە کرن ، وە بەرنامە ب دوماهیک ها‌‌‌‌‌‌ت . ژ هەژی گوتنێ یە کو 3 دەم ژمێرا ڤێ چالاکیێ خایەند .