م / هلات محمد
 |
پەروەردا بنەرەت وموکم بنەمایێ پێشکەفتنا هەر وولاتەکێ یە، لەورا ل وولاتێن پێشکەفتی و خەمخور گرنگیەکا مەزن ددەنە رێبازا پەروەردێ و تایبەت ل قوناغێن دەست پێکێ یێن خاندنێ ژبەرکو قوتابیێ زاروک ل دەست پێکا تەمەنێ خو گەلەک کاریگەر دبیت ب فێرکرنا دەست پێکی. پەروەردە ژی بریتیە ژ چاندنا کومەکا بها و رەوشت و تیتالێن گرێدای ب گەشەیا هزری و ئەقلی و زمانی و ئایینی و جڤاکی. ئانکو ئەگەر مە بڤێت زارویەکێ ساخلەم بەرهەم بینین دڤێت هندەک بنەمایا ل دەڤ بکەینە رەفتار و لدەڤ وی بهێتە چەسپاندن. پەروەردە ژی ئەرکێ وێ یێ دەست پێکێ و یێ زەحمەت دکەڤیتە سەر ملێت دەیبابا و دیڤدا رولێ باخچێ زاروکان و قوتابخانان دیاردبیت لسەر قوتابی. پەروەردا ژینگەهێ ژی بابەتەکێ مەزنە و بهایێ وێ کێمتر نینە ژ بهایێ بابەتێن پەرتووکێن دی د چاندنا بها و پرەنسیپێن باش ل دەڤ قوتابی. ل گەلەک وولاتێن پێشکەفتن خواز بابەتێ پەروەردا ژینگەهێ کریە پەیرەو وپروگرامێ خو و هەر ل قوناغێن دەستپێکێ ئەڤ بابەتە بو قوتابیان دهێتە باس کرن پاراستنا ژینگەهێ و رەهەندێت وێ دهێنە ئازراندن. پروگرام و رێبازا پەروەردەیی ل عیراق و هەرێما کوردستانێ ژی ل هندەک قوناغا و پەرتووکا دا هندەک بابەت هاتینە ئازراندن لێ نە ل ئاستەکێ پێدڤی، ئانکو ئەو بابەت دکەڤنن ودگەل سەرەدەریا ژینگەها نوکە ناگونجیت لەورا پێشنییار دکەین کو پێداچوونەکا رژد د بابەتێ ژینگەهێ دا بهێتە کرن ل هەمی ناوەندێن خاندنێ و بابەتێن هەستیار مینا پیسبونا ژینگەهێ بکارئینانا پلاستیکی چینا ئوزون حەل بوونا جەمسەرێت باکوور و باشوور و ژناڤچوونا هندەک گیانەوەرا. دانانا پروگرامەکێ هوسا ل ناڤەندێن خاندنێ پێدڤی ب پسپورێت تایبەتە کو شارەزایی ژینگەهێ و پەروەردێ پشکداربن ئانکو بابەتێ ژینگەهێ ب ئەکادیمی بهیتە روون کرن بو قوتابی خو ب بەرپرسیار ببینیت بەرامبەر ژینگەها خو. بابەتێ پەروەردا ژینگەهی دبیت ببیتە پەرتووکەکا سەربەخو یان ژی د پەرتووکێن دیتر دا بهێتە باس کرن دیارکرن یان ژی ببیتە چالاکیا حەفتیانە ب چاندنا دار و بارا پاقژکرنا قوتابخانێ ژ گلێشی وبەرمایکا و روژانێت تایبەت بهینە
