دلمان رشید بەروارى
پێشەکی
د وەلاتەکێ خودان سامان و گەنجێن خودان شیان دا، ل شوینا کو گەنج ببنە ستوینێن ئاڤاکرنا پاشەرۆژێ، ئەڤرۆ یێ ل سەر جادەیان ل هیڤیا دەلیڤەیەکا کارین کو ناهێت. بێکاری نە بتنێ ژمارەیە، بەلکو خەمەکا گرانە ل سەر شانیێن هەر گەنجەکێ ئەڤی وەلاتی.
ناڤەرۆکا راپورتێ
• دیاردا بێکاریێ: رێژا بێکاریێ گەهشتییە ئاستەکێ مەترسیدار. هزاران دەرچوویێن زانکۆیان و خودان پیشە، بێ کو چو دەلیڤەیێن گونجای بۆ بهێنە رەخساندن، ل مال نێزیلی بووینە.
• ئەگەرێن بێکاریێ: گەندەلیا کارگێڕی و دارایی بویە بەربەستەکا مەزن. دەلیڤەیێن کاری ل شوینا کو ل سەر بنەمایێ “شیان و لێهاتییێ” بن، زۆربەی جاران ل سەر بنەمایێ “ناسیا و واستەیێ” دهێنە دابەشکرن.
• زۆلم د کارێ کەرتی تایبەت دا: ئەگەر گەنجەک بشێت کارەکێ ژی پەیدا بکەت، تووشی ستەمەکا دی دبیت. دەمژمێرێن کارکرنێ گەلەک درێژن و بێی سنۆرن، ل هەمبەر دا مووچە و دەستکەفتێ دارایی ئەوەندە یێ کێمە کو تەنانەت پێتڤیێن سەرەتایی یێن ژیانێ دابین ناکەت.
پەیاما گەنجان
ئەم ناهێن کارەکی ناخوازین کو بتنێ پێ بژین، ئەم مافێ خۆ دخوازیێن کو ژیانەکا ب شکۆ مە هەبیت. گەندەلی هیڤیێن مە دخۆت و بێکاری ژی مە بەرەڤ بێ ئومێدیێ دبەت.”
دوماهی و ئەنجام
داخوازیا مە گەنجان نە مەعجیزەیە، بەلکو دابینکرنا دادپەروەریێ یە. دابینکرنا دەلیڤەیێن کاری ل سەر بنەمایێ یەکسانیێ و چاکسازی د سیستەمێ کارکرنێ دا، تاکە رێیەکە دا کو گەنجێن مە وەلاتی جه نەهێلن و ببنە ئاڤاکەرێن راستەقینە.
ئەگەر ڕێژا بێ کاریێ پتر لێبهێت دێ ڕێژەکا زێدەتر ژ سالانێن بوری گەنج قەستا ۆەلاتێن ژدەرفە کەن ژبەر پاشە ڕۆژا گەنجا کوو د نوکەدا یا بەرزەیە ل ۆەلاتێ من.
