سەردار هێتوتی
دەم سال نوکە یا گونجاییە، دڤێت هەر کەس هەست ب وێ بەرپرساتیێ بکەت و کار ل سەر چاندنا دارێن نوو بکەت. نابیت ژینگەهـ بهێتە تێکەل کرن دگەل چ بابەتەکێ دیتر، نابیت ب بەهانا نەبوونا موچەیان خەلک دەستا ژ ژیاندانێ بەردەت و دارا نەچینیت، نابیت ب بەهانا نەبوونا گازا مالان خەلک دارین تەر ببریت و بکار بینیت، نابیت ب بەهانا تورەبوون ژ کار و کریارێن حکومەتێ خەلک پاشمایێن خۆ فرێدەتە ناڤا ژینگەهێ.
هەڤریکا هەر کەسی و دگەل هەر لایەنی نابیت ل سەر بهایێ ژینگەهێ بیت چونکی دڤێت بۆ ژیانەکا بەردەوام ئەم ناڤەندا ژیاندانێ کو ژینگەهە بپارێزین.
دبیت نوکە خۆش دەلیڤە بیت کو ڕێکخراوێن ژینگەهـ پارێزیێ ب ڕێکا ئەندامێن خۆ هەوەکا بەرفرەها دار چاندنێ ل چیایان بدەن دەستپێکرن و ڤێ هەوێ دێ چەندین مفایێن خۆ هەبن کو ئێک ژ وان کەسکاتی و ب ڕەوش ئێخستنا ژینگەها وەڵاتیە و یا دویێ دیر کەفتنە ژ قەرەبالغێ و کەسێ پشکدار دێشێت دگەل ژینگەهێ تێکەل بیت و خۆ ژ دلنەرحەتیا هەی دویر گریت، خالا سیێ دێ کارەکێ مروڤاتیێ ئەنجام دەت و ب ڤی کاری دێ هەم مروڤ و هەم ژی گیانەوەر مفادار بن.
لەورا وەرن دا پێکڤە هەوا کەسک کرنا کوردستانێ بدینە دەستپێکرن و کار بکەین بۆ پاشەڕۆژا ژینگەها ڤی وەڵاتی و نفشێ بهێت چونکی ئەمین دشێین ڤی کاری بکەین و نابیت چاڤەرێ چ دەستخۆشیا و سوپاسیا بین ژ چ لایەنەکی ,
ژینگەهێ تێکەلدار نەکەن
