
سهردار هێتوتى
بێى ئاڤ ژیان نابه، ئهو ههڤۆكا هێشتا د ژیێ زاروكانیێ دا ل بهر گۆهێن مه ههموویان كهفتى، مرۆڤ و ههر جاندارهكێ دیتر یێ كو ل سهر رویێ عهردى دژیت، نهشێت بێى ههبوونا ئاڤا پاقژ زێده بهردهوامیێ بدهته ژیانێ، چونكى ل دهست پێكێ مانا مرۆڤى یا گرێداى ئاڤێ یه و ئاڤ ژى دڤێت یا پاقژ بیت و ب كێرى ڤهخارنێ بهێت.
مرۆڤن ئاڤێ پیس دكهن، دگهل كو هندهك ئهگهرێن خۆزایى ژى باندوور ل سهر پیسبوونا ئاڤێ ههیه، لێ ئهگهرێ ههره مهزن و بهێز چالاكیێن مرۆڤانه كو دبنه سهدهما پیسبوونا ئاڤێ ئهو ژى دهما بهرمایكێن خۆ یێن كیمیایى فرێدهنه ناڤا ئاڤێ و ئهڤ مادێن كیمیاى تێكهل ئاڤێ دبن و دبنه ئهگهرێ پیسبوونا وێ.
باندورا پیسبوونا ئاڤێ دێ چ بیت ل سهر مرۆڤى؟ ههموو جانهوهران ب مرۆڤه ژى، وهك پێشتر مه گوتى پێدڤیا وان ب ئاڤێ ههیه لهورا دڤێت ئهڤ ئاڤه یا پاقژ بیت و دیرى مادێن كیمیایى و بهرمایكێن مرۆڤان بیت داكو نهخوشى و پاشان مرن ل دوڤ نههێت، لهورا یا فهره هشیاریا پاراستنا ئاڤا پاقژ ببیته سهردێرا ژیانێ و نابیت ب ههروه بهێته ههدهر دان و دڤێت مرۆڤ خۆ ژ تێكدانا ژێدهرێن ئاڤێ وهكى ریبار و كانیان بدهته پاش و ههر كهسهك ژ لایێ خۆڤه ببیته چالاكێ هشیاریا پاراستنا ئاڤێ