سەردار هێتوتی
بەری چەند ڕۆژان هژمارەکا هرچان ل گارە هاتنە ئازادکرن، یێن ب ڤی کاری ڕابووی لژێر ناڤێ ژینگەهپارێزیێ ئەڤ ئەرکێ پیرۆز بجهـ ئینا، لێ وان ب تنێ هرچ ئازادکرن و کار لسەر یاسایێ نەکرن داکو هرچ کوژان ژی ڕاوەستینن یان بێخنە کونجێن تاری. ب هند سەدەمێن نەڕەوا، خەلکێ مە ل باشوور ب ساڵانە دەست دایە کوشتنا کویڤیان و دشێن لبەر چاڤێن هێزێن ئەمنی گوشتێ وان ل بازاران بفروشن کو ئەڤە ژی عەیبەیە ب چاڤێن دەستهەڵاتا پاراستنا ژینگەهێ ڤە کو نەشێن ب ئەرکێن خۆ ڕابن و ژینگەهێ ژ دەست دڕێژیا وان تێکدەران بپارێزن. دڤێت ژینگەهـ دوست و پارێزڤانێن جوانیا وەڵاتی دەستەکەکێ ئاڤا بکەن و بشێن ب ڕێکا کور و سمینارێن پری زانیاری هەمی بەندێن ڕێگیریکرنێ ژ بۆ پاراستنا ژینگەهێ دارێژن و ب تەڤاهی پێکڤە ڤێ بیرخستوکێ و ئاموژگاریان بدەنە لایەنێن پەیوەندیدار و کار لسەر بکەن کو ببنە یاسا ژ بۆ ڕێگیریکرنێ ژ ڤێ تێکدانا ل وەڵاتی هەی لسەر ژینگەهێ. هەروەسا ئەڤ تیم و گروپە لسەر هەر هزر و ئایدولوژیەکێ بن لێ چونکی ل ژێر چەترا پاراستنا ژینگەهێ دا کەڤتینە ململانێ دگەل تێکدەران دڤێت ل پەرلەمانی یاسایێن کەڤن لادەن چونکی ب وان یاسایان شیانێن ڕێگیریکرنێ نەبوون ژ تێکدانا ژینگەهێ و دڤێت یاسایێن نوی جهگرێن وان ببن. هەروەسا وانەیەک یان دەرسەک ل هەموو قوناغێن قوتابخانێ و هەتا زانینگەهان ژی بهێتە زێدەکرن لسەر ژینگەهپارێزیێ دا کو هەر د ژیێ زاروکینیێ دا مێشکێ تاک کورد ژ بۆ گرنگیا ژینگەهێ یێ ڤەکری بیت و ژ بلی قوناغێن خاندنێ دڤێت ل کەنالێن ڕاگەهاندنێ ژی وەک تاکە پێش مەرجێ وەرگرتنا دەستیریا وەشانێ دڤێت هەمی کەنالێن تیڤی و ڕادیۆیان دەمەکی بۆ هشیاریا ژینگەهپارێزیێ دانن. ب ڤان ڕێکان ئێدی پێویست ناکەت هرچا بکرین و ل گارە ئازاد بکەین بەلکو هرچێن خورستێن گارە بخۆ دێ شێن لسەر ئاخا وەڵاتێ خۆ ژین
