بانگەواز بو خەلکێ کوردستانێ
ب سالایە تورکیا ب هێجەتین جودا جودا ئاخ و ئاڤ و وەلاتی مە توپباراندکەت و ژەهراوى دکەتن ، تورکیا بەردەوام خەلکێ کوردستانێ لسەر ئاخا کوردستانی شەهید و برینداردکەتن و ژینگەها وێ ژەهراوى دکەتن ب چەکێن قەدەغەکرى ، ئەڤە لبەر چاڤێت کومەلگەهێ نێڤ دەولەتى . بێ هەلویستیا حکومەتا هەرێما کوردستانێ ژى ئیدانەدکەین لهەمبەرى ڤان هەمیا پێشێلکاریا رولێ بینەریێ رادبیت .
گەلى خەلکێ کوردستانێ ترکیا ل لایەکێ بەحسێ پروسا ئاشتیی دکەتن بو رایا گشتى و ل لایەکێ دى د ماوێ ٢٨ روژا دا پتر ژ ٣٣ سڤیلا شەهیدکرینە و ب سەدان سڤیل بریندارکرینە ، بەردەوامە د توپارانکرنا هەمى ناوچێن کوردستانێ ل کوبانێ هەتا ئاکرێ و رانیی و ب سەدان هێرش کرینە سەر بەنداڤا تشرینێ ، و خەلکێ سڤیل دکەتە قوربانى .
رێکخراوا سەوز یا ئەوروپى و کوردستانى ب توندى ئیدانا هێرش و توپبارانێن تورکیا دکەتن و داخازێ ل کومەلگەهێ نێف دەولەتى دکەین سنورەکێ بو پەلکێشین تورکیا بدانیت . و رویێ راستەقینەیێ زولما تورکیا بو جیهانێ دیارببیت .
رێکخراوا سەوز یا ئەوروپى و کوردستانى
٢٨/١/٢٠٢٥
