لێکتێگەهشتنێن ڤێ دوماهیێ دناڤبەرا هێزێن سوریا دیموکرات دگەل حکومەتا دەمکى یا سورى هیڤیا هەر کوردەکێ دلسوزە ببیتە روژهەلاتنەک بو روژئاڤایێ کوردستانێ پشتى قوربانیدان ب رویبارەکێ ژ خوینا شەهیدا ،
مروڤ دشێت بێژیت شانازیە کو ئەم ل سەردەمەکێ دا دژین پارچەکا کوردستانێ هوسا جوان بویە جوانترین نمونا خوراگریێ و بەرگریێ لسەر ئاستێ جیهانێ ، هەر ژ دەستپێکا شەرێ نافخو یێ سوریێ و هەتا شەرێ داعش و کەفتنا رژێما سورى ئەڤە هەمى بەردەوام دگەل هێرشێن درندانە و بێ ئەخلاقانەیێن دەولەتا فاشستا تورکیا .
ئەڤ چەندە وێ دیاردکەتن کو ئەگەر مللەتێ کورد ئیک بیت و بهێتە رێکئێخستن لسەرهزرەکا دیارکرى نەک پارچەک بەلکو دێ کوردستانا مەزن ژ دەڤێ گورگێن هار رزگارکەن ، لێ دبەرامبەر دا کورد بگشتى و روژئاڤایێ کوردستانێ لهەمبەر ئەزموونەکا گران دانە و دڤێت زورب هەستیارى رەفتار دگەل رەوشێ بهێتەکرن چونکى کورد بگشتى د بابەتێ لێبوردنێ و دبلوماسیەتێ و دیالوگ نە دپەهلەوانن کو کروکا سیاسەتێ و رێڤەبرنێ یە ل نافخو ولدەرڤە ، مخابن ئەقلێ رێڤەبرنێ لگەلەک ناوچێن کوردستانێ یێ غائیبە، لەوا نوکە لشوینا دەریێ سێمالکا دخزمەتا مللەتێ مە دابا ل روژئاڤا نوکە دەرگەهـ گرتیە ، کو د روپەلێن دیروکێ جا دێ ئەڤە بیتە شەرمزاریوکا مەزن بو هەمیا ئەو دەرگەهە گرتى ژبلى لێدانا خەندەقا !
یا من دڤێت بێژم ئەوە کو ئەگەر ب دیالوکێ و ب دبلوماسى بریاربهێنەدان و لێبورین و ئێکودوقەبیلکرن هەبیت لنافخو دێ ئەنجامێن شورشا روژئاڤا گەلەک مەزنتربن ژ یا هەمى چاڤەرێدکەن ، پێویستە گرنگیەکا مەزن ب دبلوماسیەتێ بهێتەدان بو کومکرنا رایا گشتى لسەر پرسا کوردان کو ب مخابنیڤە یا لاوازە و نە دئاستێ پێدڤى دایە.
ژیان یاسین
