بێگومانە کو ئاڤ سەرچاوێ ژیانێ یە و پیسکرنا ئاڤێ چ ب رێکەفت بیت یان ب مەرەم بیت کارتێکرنەکا راستەوخو دکەتە سەر ژیانێ ، دمێژوویێ دا زور جارا ئاڤا دەریا و زەریا و رویباران تووشى پیسبونێ بویە ئەڤا چ ب مەرەم بیت یان برێکەفت بیت. هندەک جارا مروڤ بخوە رەخێن رویباران پیسدکەن بێى مەبەست و کارتێکرنا وێ نزانن لسەر ژیاناخو بتنێ هزردکەن کو هاڤێتنا گلێشى ب ڤى شێوەى بو وان ئەرزانتر دراوستیت و هندجاران ژى ژلایێ کارگەهێن مەزنێن ئەتومى و نەفتێ و هند جورێن دى یێن کارگەهان و کەشتیێن ڤەگوهاستنا نەفتێ دهێنە پیسکرن . کو زەرەرمەندێن وێ یێن سەرەکى مروڤ ، گیانەوەر و رووەکن .
بو نموونە ، ل سێڤسوى یا ئیتالیا سالا ١٩٧٦رویدانەک ل کارگەهەکا کیمیایى رویدا ئەورەکێ گازا ژەهرایى بو ئەگەرێ کوشتنا گەلەک مروڤا و گیانەوەرا و هەمى روینشتڤانا باژێر بەردا و کرێکارا ب جلکێن تایبەت ڤە ئەو جهە پاقژکر .
نموونەکا دى یا مەترسیدار پیسبونا برێکەفت ، ل میناماتاى یا یابانێ ل سالا ١٩٥٠ رویدا ، ل وى دەمى خەلک بدروستى ل زیانێن پیسبوناپاشماوێن ژەهرایى نەدگەهشتن . کارگەهەکێ پاشماوەیێن خوە بەرددانە ناڤ دەریایێ ، وان پاشماوا مادەیەکێ کانزایى یێ ژەهراوى تێدابو کو دگوتێ (جیوە ) بڤى شێوەى جیوە گەهشتە ناڤ زنجیرا خوارنێ ، پتریا خەلکى ئەو ماسى دخوارن کو جیوە دگوشتێ وان دا هەبوو هزاران کەس پێ توشى نەخوشیا بوون و بهزاران کەساژى ئێدى نەشیان برێڤەبچن و باخڤن !
ل فەرەنسا گەلەک کارگەها گلێشێ خوە دهاڤێتە ناڤ رویبارێ راین وان دزانى ئەڤە مەترسیدارە و دێ ئاڤ ژەهراوى بیت لێ چونکى رێکەکا ئەرزان بوو ئەڤ رێکە بکارئینا .
وێنە وەرگرتیە .
